سمعت عن إضراب 6 ابريل ؟؟!!

استعرض الموضوع السابق استعرض الموضوع التالي اذهب الى الأسفل

سمعت عن إضراب 6 ابريل ؟؟!!

مُساهمة من طرف Mr.Pro في الخميس مارس 27, 2008 10:06 pm


سمعت عن إضراب 6 ابريل ؟؟!!

هذا هو نص الرسالة


إتفقت كافه القوي الوطنية في مصر علي
أن يكون
يوم 6 إبريل
يوم إضراب عام في مصر

يوم 6 إبريل
خليك قاعد في البيت أو شاركنا فى الميادين العامة

أوعي تنـــــــــزل لكن شاركنا


ماتروحشي الشغل
ماتروحشي الجامعه

ماتروحشي المدرسة
ماتفتحشي المحل

ماتفتحشي الصيدليه
ماتروحشي القسم

ماتروحشي المعسكر
عايزين مرتبات تعيشنا

عايزين نشتغل

عايزين تعليم لأولدنا

عايزين مواصلات أدمية

عايزين مستشفيات تعالجنا

عايزين دواء لأطفالنا
عايزين قضاء منصف

عايزين أمن وأمان
عايزين حرية وكرامه

عايزين شقق للعرسان
مش عايزين رفع أسعار

مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات

مش عايزين فساد
مش عايزين رشاوي
مش عايزين إعتقالات
مش عايزين تلفي

ق قضايا
قول لأصاحبك مايروحوش الشغل همه كمان وخليهم يدخلوا الإضراب
)

حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابة المحامين - حركة أستاذه الجامعات

(
6أبريــــــــــــ...

أضراب عام في مصر سلمي
أبعت رسايل لخمسة من أصحابك
ولو كل واحد بعت لخمسة

في ظرف يومين البلد كلها حتعرف
بالموبايل
بالأرضي
بالأيميلات
أو حتي رسايل عالشات في

قنوات التليفزيون
أنسخوا رسالتنا وأبعتوها تعليق على كل المقالات ألي بتقروها
بيكوا وبينا

البلد دي حتتغير أنشاء الله
المسيحين مع المسلمين لصالح مصر

يالا يامحمد يالا

يامينا مصر مش هتتغير إلا بإيــــدينـــــــا


هتكون معاهم و لا إيه

_________________
avatar
Mr.Pro

المساهمات : 46
تاريخ التسجيل : 18/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سمعت عن إضراب 6 ابريل ؟؟!!

مُساهمة من طرف المُعاصر في الخميس مارس 27, 2008 10:14 pm

السلام عليكم

هل سيتتطور ويتغير المجتمع بالاضرابات و الاعتصامات ؟؟

علينا ان نغير من انفسنا ، نغير من فكرنا ، نغير من طريقه تفاعلنا مع اوضاع المجتمع ، يجب ان نكف عن السلبيه التى نتعمل بها مع المشاكل .

إن الله لا يغير ما بقوم حتى يغيروا ما بأنفسهم ...

_________________
في البداية يتجاهلونك , ثم يسخرون منك , ثم يقاتلونك , ثم تفوز أنت!!

المُعاصر!!؟
عضو فريق عمل مجتمع Computality
عضو ادارة مشروع MySmartBB
المكلف بتصميم موقع كلية العلوم الجديد (...... قريبا سيتم اعتماده رسميا .)
خبرة Xhtml-CSS-php-photoshop
avatar
المُعاصر

المساهمات : 18
تاريخ التسجيل : 16/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سمعت عن إضراب 6 ابريل ؟؟!!

مُساهمة من طرف shiko في الخميس مارس 27, 2008 10:22 pm

الكلام جميل بس تفتكروا هيجيب نتيجة فعلا ما هو برده مصالح الناس نفسها هى الى هتقف اليوم ده يعنى مش بس الدولة الى هتتأثر لو ده فعلا هيجيب نتيجة اكيد محدش هيترردد انه يعمل كده
avatar
shiko

المساهمات : 8
تاريخ التسجيل : 27/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سمعت عن إضراب 6 ابريل ؟؟!!

مُساهمة من طرف Mr.Pro في الخميس مارس 27, 2008 11:46 pm

معاك حق أخي المعاصر

بس برده لازم يكون لينا وقفه

أما بالنسبه لك أخي Shiko

بالنسبة لمصالح الناس

فهي كدا كدا عطلانة أصلاً

صحيح المقصود بمصالح الناس الشغل و المحاضرات و الحصص

بس عاوزين نحس بحقن الإنسانس في الإعتراض

عاوزين نحس اننا بنتعامل معاملة بنى آدمين

_________________
avatar
Mr.Pro

المساهمات : 46
تاريخ التسجيل : 18/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سمعت عن إضراب 6 ابريل ؟؟!!

مُساهمة من طرف scientist_363 في الجمعة مارس 28, 2008 12:38 am

أنا بعارض جدا فكره الاضراب

ملهاش أي لزمه

وتعتبر سلبيه جدا جدا جدا


ودي مش طريقه لحل المشاكل

دي طريقه تزود المشاكل

وبالنسبه أن مصالح الناس كلها عطلانه

ده مش صح

هو ممكن يكون في تقصير بس مش نهائي


والمثل الشعبي بقول

نص العما ولا العما كله


غير موووووووووووافق

ولو ندي محاضرات يوم الاربع هرووووووووووووووووح

scientist_363

المساهمات : 7
تاريخ التسجيل : 19/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سمعت عن إضراب 6 ابريل ؟؟!!

مُساهمة من طرف Mr.Pro في الجمعة مارس 28, 2008 12:41 am

ديه وجهه نظرك الخاصة ليك الحق انك تعرتض

بس الإضراب دا من أكثر الأساليب تحضراً في الإعتراض

و كمان معلومة بس

6 ابريل هيكون يوم حد يعني بالسلمة على محاضرات

لغة حاسب و نظم و عددي 2

تحياتي أخي العزيز
Scientist_363


عدل سابقا من قبل Mr.Pro في الجمعة مارس 28, 2008 12:43 am عدل 1 مرات

_________________
avatar
Mr.Pro

المساهمات : 46
تاريخ التسجيل : 18/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سمعت عن إضراب 6 ابريل ؟؟!!

مُساهمة من طرف tlmoz_2006 في الجمعة مارس 28, 2008 12:42 am

انا مع مستر برو في الكلام لازم يكون لنا دور في الدنيا دي
avatar
tlmoz_2006

المساهمات : 8
تاريخ التسجيل : 21/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سمعت عن إضراب 6 ابريل ؟؟!!

مُساهمة من طرف black في الجمعة مارس 28, 2008 3:31 am

فى مثل بيقول ضربوا الاعور على عينه قال خربانه خربانه
فاضراب اضراب واحنا ورانا ايه بس انا مش هقدر اقعد فى البيت ممكن يومها انزل واروح اقعد على القهوه ومش حعمل اى حاجه خالص غير انى اتفرج وانا بايدى ايه غير كدا مهو ده حال معظم الشباب عاطل وبيتفرج بس .
بس على الله ميكنش صاحب القهوه عامل اضراب يومها هو كمان

black

المساهمات : 1
تاريخ التسجيل : 28/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سمعت عن إضراب 6 ابريل ؟؟!!

مُساهمة من طرف الفارس في الجمعة مارس 28, 2008 2:53 pm

طيب وبعد الاضراب

اقصد ايه اللى المفروض يكون النتيجة ؟؟

الحكومة تعرف ان الناس معترضة ..
طب ما هي عارفة ، وبعد ؟؟؟؟؟

يا جماعة في فئات كتير من المجتمع اللى احنا عايشين فيه بتجيب فلوس حياتها يوم بيوم
طب يا ترى دول هيقدروا يعملوا اضراب .

وبعدين في فئات تانية ما تقدرش اساسا ..
يعني ايه الدكتور بتاع المستشفى يعمل اضراب ؟؟؟
يعني ايه ضابط القسم او الجيش يعمل اضراب ؟؟؟
ده هزار ..
مشروع زي ده غالبا اللى هينفذه اللى هم اصلا عاملين اضراب طبيعي من العاطلين والطلبة اللى ما وراهمش حاجة ...

هو الاضراب فكرة متحضرة وجيدة للتعبير عن الرأي
لكن لازم ناخد بالنا اننا في مصر عارفين يعني ايه ؟؟

يعني حضارة سبع تلاف سنة ....
اقصد كانت موجودة وانتهت لحد يفهمني غلط ....
مش بلدنا اللى ينفع فيها كده ....
وبعدين يا سيدي ناس كتير من اللى مطلوب منهم الاضراب ده من اسباب المشكلة اساسا

احنا برضه كسالى وشعب اتعلم يدور على حقوقه قبل واجباته
مش بأحسن صورة الحكومة ،،
لأن الحقيقة كل انسان حاسس بيها قبل ما يشوفها ..
لكن لازم نقرر الواقع كله واحنا بنتكلم .. كل جوانب المشكلة

وبعد ده كله
مش شايف ان الاضراب هو الحل

الفارس

المساهمات : 27
تاريخ التسجيل : 22/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سمعت عن إضراب 6 ابريل ؟؟!!

مُساهمة من طرف Mr.Pro في الجمعة مارس 28, 2008 3:05 pm

Smile
تحياتي اخي العزيز الفارس

المجال برده لايزال مجال للنقاش

بس احنا لو قعدنا نقول ان الشعب المصري مش عارف ايه

واحنا كد من زمان و مبنجيش غير بالسك

و مش عارف تربيه استعمار

ياترا هو انا وانت مش من الشعب المصري ولا احنا اصبحن نتقمص شخصية

شيخ القبائل الهندية

اللي مش بيغلط و هو اللي بيشرع القوانين وبيقول على دا حلو و دا وحش

ياريت بس لو نغير طريقه تفكيرنا اننا فيوم هنكون تفضل

و منبصش على الماديات

ﻷن الماديات عمرها ما كانت هي اللي هتوصلنا لحاجه

لازم تعرف ان فيه رب كبير

قادر على انه يقلب الحال و ينصر المظلوم

إن الله يمهل ولا يهمل

تحياتي

_________________
avatar
Mr.Pro

المساهمات : 46
تاريخ التسجيل : 18/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سمعت عن إضراب 6 ابريل ؟؟!!

مُساهمة من طرف الفارس في الجمعة مارس 28, 2008 4:16 pm

انا معاك اننا مش لازم نبص على الماديات ..


لكن ما نقدرش ننكر انها اساس في حياتنا ،
من غيره نقدر نقول ان حياتنا هتقف ..

ده بالاضافة ان فهمك للدنيا ومفهوم المادة مش زي فهم عم محمد البواب
او حسني السباك او على المكوجي ..

وانا مش بأقول احنا ما بنجيش غير بالسك ، احنا من اعظم شعوب الدنيا واقواها ثقافة انا معاك
وقدرة الانسان المصري على التغيير موجودة وواضحة وبتظهر في اي مكان والامثلة موجودة في كل دول العالم المتقدم
من العباقرة المصريين والعرب اللى غيروا وطورا

لكن الموضوع واقع ملموس ما نقدرش نتجاهله ,
وهو ان في اهمية للمادة واهمية كبيرة كمان .

وطبعا ربنا قادر على انصاف المظلوم بس يا ترى هو مظلوم فعلا ..
ولا ده العقاب العادل ليه ؟؟؟؟؟؟ هي دي القضية .

وبرضه نطالب بحقوقنا بس مع مبدأ لا ضرر ولا ضرار .

الفارس

المساهمات : 27
تاريخ التسجيل : 22/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سمعت عن إضراب 6 ابريل ؟؟!!

مُساهمة من طرف shiko في الجمعة مارس 28, 2008 10:50 pm

مصالح الناس مش بسيطة انها تقدر تتوقف ليوم واحد حتى يعنى المرضي يروحوا فين اليوم ده الناس الى بتعمل مصالح لناس تانيين يشتغلوا ازاى زى السائقين مثلا غير ان النتيجة هتكون علينا احنا برده يعنى احنا الى هنتحمل نتيجة الاضراب ده يعنى حاجة الناس الى عملتها وبرده هما هما الناس الى هتيجي على دماغهم تفتكروا الحكومة ممكن تتأثر ازاى ولا بايه الفكرة ممكن تكون كويسة بس لو كل الناس نفذتها بحيث نقدر نوصل لوقف مصالح الحكومة نفسها انما ده صعب جدا واعتقد انه عايز وقت بحيث ان كل فئات الشعب تتفق وتنفذ كده فعلا ساعتها يمكن ده يوصل للحكومة ويحسوا بتأثير شويةوعلى فكرة انا مسمعتش عن الاضراب ده الا من المنتدي يعنى فى ناس كتير متعرفش الموضوع ده انا معرفش ان كان معروف ولا لا بس اغلب ظنى ان فى ناس كتير مسمعتش عنه اساسا الفكرة كويسة بس محتاجة تفكير كتير عشان تتطبق صح ورأينا يوصل
avatar
shiko

المساهمات : 8
تاريخ التسجيل : 27/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى